ਮੋਦੀ ਦੀ ਝੋਲੀ ਪਿਆ ਇੱਕ ਹੋਰ International Award

Modi to receive Global Leadership Award : ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਅਗਲੇ ਹਫ਼ਤੇ ਸਾਲਾਨਾ ਅੰਤਰਰਾਸ਼ਟਰੀ ਊਰਜਾ ਕਾਨਫਰੰਸ ਵਿੱਚ CERAWeek ਗਲੋਬਲ ਐਨਰਜੀ ਅਤੇ ਵਾਤਾਵਰਣ ਲੀਡਰਸ਼ਿਪ ਐਵਾਰਡ ਨਾਲ ਸਨਮਾਨਤ ਕੀਤਾ ਜਾਵੇਗਾ। ਪੀਐਮ ਮੋਦੀ 1 ਤੋਂ 5 ਮਾਰਚ ਤੱਕ ਹੋਣ ਵਾਲੇ ਇਸ ਸਮਾਗਮ ਨੂੰ ਵੀ ਸੰਬੋਧਨ ਕਰਨਗੇ। ਇਸ ਸਮਾਰੋਹ ਦੇ ਪ੍ਰਬੰਧਕ ਆਈਐਚਐਸ ਮਾਰਕਿਟ ਨੇ ਦੱਸਿਆ ਕਿ ਕਾਨਫ਼ਰੰਸ ਵਿੱਚ ਕਲਾਈਮੇਟ ਲਈ ਅਮਰੀਕੀ ਰਾਸ਼ਟਰਪਤੀ ਦੇ ਨੁਮਾਇੰਦੇ ਜੋਨ ਕੈਰੀ, ਬਿਲ ਐਂਡ ਮੇਲਿੰਡਾ ਗੇਟਸ ਫਾਉਂਡੇਸ਼ਨ ਦੇ ਸਹਿ-ਚੇਅਰਮੈਨ ਬਿਲ ਗੇਟਸ ਅਤੇ ਬਰੇਕਥ੍ਰੂ ਐਨਰਜੀ ਦੇ ਸੰਸਥਾਪਕ ਬਿਲ ਗੇਟਸ ਸ਼ਾਮਲ ਅਤੇ ਸਾਊਦੀ ਅਰਾਮਕੋ ਦੇ CEO ਅਮੀਨ ਨਾਸਿਰ ਸ਼ਾਮਲ ਹੋਣਗੇ।

Modi to receive Global Leadership Award
Modi to receive Global Leadership Award

ਆਈਐਚਐਸ ਮਾਰਕੀਟ ਉਪ ਚੇਅਰਮੈਨ ਅਤੇ ਕਾਨਫਰੰਸ ਦੇ ਚੇਅਰਮੈਨ ਡੈਨੀਅਲ ਯਰਗਿਨ ਨੇ ਕਿਹਾ ਕਿ ਅਸੀਂ ਵਿਸ਼ਵ ਦੇ ਸਭ ਤੋਂ ਵੱਡੇ ਲੋਕਤੰਤਰ ਦੀ ਭੂਮਿਕਾ ਬਾਰੇ ਪ੍ਰਧਾਨ ਮੰਤਰੀ ਮੋਦੀ ਦੇ ਨਜ਼ਰੀਏ ਤੋਂ ਬਹੁਤ ਪ੍ਰਭਾਵਿਤ ਹਾਂ। ਅਸੀਂ ਦੇਸ਼ ਅਤੇ ਵਿਸ਼ਵ ਦੀਆਂ ਭਵਿੱਖੀ ਊਰਜਾ ਲੋੜਾਂ ਨੂੰ ਪੂਰਾ ਕਰਨ ਲਈ ਲਗਾਤਾਰ ਵਿਕਾਸ ਵਿਚ ਭਾਰਤ ਦੀ ਅਗਵਾਈ ਵਧਾਉਣ ਲਈ ਉਸ ਦੀ ਵਚਨਬੱਧਤਾ ਦੀ ਸ਼ਲਾਘਾ ਕਰਦੇ ਹਾਂ। ਅਸੀਂ ਉਸ ਨੂੰ CERAWeek ਗਲੋਬਲ ਊਰਜਾ ਅਤੇ ਐਨਵਾਇਰਮੈਂਟਲ ਲੀਡਰਸ਼ਿਪ ਐਵਾਰਡ ਨਾਲ ਸਨਮਾਨਿਤ ਕਰਕੇ ਖੁਸ਼ ਹਾਂ।

Modi to receive Global Leadership Award
Modi to receive Global Leadership Award

ਉਨ੍ਹਾਂ ਕਿਹਾ ਕਿ ਭਾਰਤ ਆਰਥਿਕ ਵਿਕਾਸ, ਗਰੀਬੀ ਘਟਾਉਣ ਅਤੇ ਇੱਕ ਨਵੇਂ ਊਰਜਾ ਭਵਿੱਖ ਲਈ ਆਪਣਾ ਰਸਤਾ ਬਣਾਉਣ ਵਿੱਚ ਗਲੋਬਲ ਊਰਜਾ ਅਤੇ ਵਾਤਾਵਰਣ ਦੇ ਕੇਂਦਰ ਵਜੋਂ ਉੱਭਰਿਆ ਹੈ। ਵਿਸ਼ਵਵਿਆਪੀ ਊਰਜਾ ਤਕ ਪਹੁੰਚ ਨੂੰ ਕਾਇਮ ਰੱਖਣ ਦੇ ਨਾਲ, ਮੌਸਮ ਦੇ ਉਦੇਸ਼ਾਂ ਦੀ ਪੂਰਤੀ ਲਈ ਭਾਰਤ ਦੀ ਭੂਮਿਕਾ ਬਹੁਤ ਮਹੱਤਵਪੂਰਣ ਹੋਣ ਜਾ ਰਹੀ ਹੈ। ਦੱਸਣਯੋਗ ਹੈ ਕਿ ਇਸ ਸਾਲਾਨਾ ਅੰਤਰਰਾਸ਼ਟਰੀ ਕਾਨਫ਼ਰੰਸ ਵਿਚ ਊਰਜਾ ਉਦਯੋਗ ਦੇ ਨੇਤਾ, ਮਾਹਰ, ਸਰਕਾਰੀ ਅਧਿਕਾਰੀ ਅਤੇ ਨੀਤੀ ਨਿਰਮਾਤਾ, ਟੈਕਨਾਲੌਜੀ ਖੇਤਰ ਦੇ ਨੇਤਾ, ਵਿੱਤੀ-ਉਦਯੋਗਿਕ ਇਕਾਈਆਂ ਅਤੇ ਊਰਜਾ ਤਕਨਾਲੋਜੀ ਦੇ ਨਵੀਨਤਾਕਾਰ ਸ਼ਾਮਲ ਹੁੰਦੇ ਹਨ।

Source link

Leave a Reply

Your email address will not be published. Required fields are marked *